CONDUCE RÁPIDO. DIEGO AMEIXEIRAS

Na liña das novelas anteriores Diego Ameixeiras continua coa modernización do xénero negro dándolle as súas pinceladas persoais, baseadas na brevidade, logrando que cada frase teña a maior información posible cos mínimos recursos, quitando todo o accesorio e que non aporta nada. Crea así, un estilo moi directo e conciso, que obriga o lector a ler con calma dado que toda a información que nos aporta é vital  para entender a trama que nos relata. Estamos ante unha novela cunha estrutura moi ben argallada dende o comezo: todas as historias teñen relación entre elas, a veces son tan so pequenos roces sen chegar a tocarse.

A novela avanza fragmentada o longo de cinco días na que dous irmáns que viven, na cidade de Santiago de Compostela procuran saír dunha vida precaria e baleira. A oportunidade virá da man dun negocio ilegal e perigoso, unha vez  que se lles presenta esta  idea, como ven di o título da obra, Ameixeiras conduciramos a gran velocidade, sen acougo e con moita violencia ata o final da trama.

Non vemos intención moralizantes no texto pero si un atisbo de esperanza para os dous protagonistas principais, que aínda que están inmersos nun mundo de violencia e traizóns parece que o amor pode triunfar entre eles.

Diego Ameixeiras Novelle, naceu en Lausana (1976), é xornalista e escritor galego.

Traballou como guionista para varias series da TVG (Terra de Miranda, Matalobos...). Foi co-guionista das longametraxes "18 comidas" (Jorge Coira, 2010) e "La mujer del Eternauta" (Adán Aliaga, 2011).

Na actualidade, sen deixar de lado a creación literaria, colabora no suplemento "Culturas" de La Voz de Galicia.

Entre as súas obras temos:

- Baixo mínimos (2004).

- O cidadán do mes (2006).

- Tres segundos de memoria. Premio Xerais de Novela, (2006).

- Dime algo sucio (2009).

- Asasinato no Concello Nacional. Premio Irmandade do Libro ao Mellor Libro do ano 2011.

-Todo OK (2012).

- Matarte lentamente (2013).

- Conduce rápido (2014).